சாலைப் பாதுகாப்பு Notes 9th Social Science
9th Social Science Lesson 16 Notes in Tamil
16. சாலைப் பாதுகாப்பு
- சாலை விபத்து என்பது திறந்தவெளி சாலையில் ஒரு வாகன விபத்தில் குறைந்தபட்சம் ஒரு நபர் காயமடைவதையோ அல்லது இறப்பதையோ குறிக்கும்.
- கொலை, தற்கொலை மற்றும் இயற்கை பேரிடர் போன்றவைச் சாலை விபத்தில் அடங்காது.
- சாலை விபத்துகள் காயத்தால் ஏற்படும் மரணங்களுக்கு முதன்மைக் காரணிகளாகும். இவை உலகளவில் ஏற்படும் உயிரிழப்புகளுக்கான பத்தாவது முதன்மைக் காரணியாகும்.
- ஒவ்வொரு ஆண்டும் சாலை விபத்தில் 1.2 மில்லியன் பேர் இறக்கிறார்கள்; மற்றும் ஏறக்குறைய 50 மில்லியன் பேர் காயமடைகிறார்கள்.
- ஆண்டுக்கு 1,30,000 க்கும் மேற்பட்ட உயிரிழப்புடன் இந்தியா உலகின் மிக மோசமான சாலை விபத்துகளைக் கொண்ட நாடாக உள்ளது.
உலகில் ஒவ்வொரு மூன்று நிமிடத்திற்கும் ஒரு குழந்தை விபத்தில் இறக்கிறது.
சாலை விபத்தில் ஏற்படும் மரணங்களுக்கு முக்கிய காரணங்கள்
- குடித்துவிட்டு வாகனம் ஓட்டுவது (40%), அதிவேகம் (24%) வாகன எண்ணிக்கை அதிகரிப்பு (16%) சட்டத்தை நடைமுறைப்படுத்துவதில் மெத்தனம் (15%) மற்றும் தலைக்கவசம் மற்றும் இருக்கைப் பட்டையை குறைவாகப் பயன்படுத்துவது (5%).
- ஓட்டுநருக்கு ஏற்படும் கவனச்சிதைவு
- சிவப்பு விளக்கு எரியும்போது சாலையைக் கடப்பது.
- தவறான முறையில் பிற வாகனங்களை முந்திச் செல்வது
சாலை விபத்துக்கான பல்வேறு காரணிகள்
ஓட்டுநர்: அதிவேகம், கண்மூடித்தனமாக வாகனத்தை இயக்குதல், சாலைவிதிகளை மீறல், போக்குவரத்துக் குறியீடுகளைப் புரிந்துகொள்ளத் தவறுதல், களைப்பு மற்றும் மது அருந்துவது.
பாதசாரிகள்: கவனக்குறைவு, கல்வியறிவின்மை, தவறான இடங்களில் சாலையைக் கடப்பது.
பயணிகள்: கரம் சிரம் புறம் நீட்டுவது, ஓட்டுநரிடம் பேசுவது, தவறான வழியில் வாகனத்தில் ஏறுவது இறங்குவது, படியில் பயணம் செய்வது, ஓடுகிற வண்டியில் ஏறுவது.
வாகனங்கள்: வாகனம் கட்டுப்பாட்டைப் இழப்பது, டயர் வெடிப்பது, குறைவான வெளிச்சம், அதிக சுமை ஏற்றுவது.
சாலையின் நிலை: குழிகள், சேதமடைந்த சாலை, ஊரக சாலையும் நெடுஞ்சாலையும் இணையும் இடத்தில் உள்ள அரிக்கப்பட்ட சாலை, சட்டத்துக்குப் புறம்பான வேகத்தடைகள்.
வானிலை: மூடுபனி, பனி, கன மழை, புயல், ஆலங்கட்டி மழை
- இருக்கைப் பட்டை பயன்படுத்துவதன் மூலம் சாலை விபத்தினால் ஏற்படும் இறப்பை 51% தடுக்கலாம்.
குழந்தைகளுக்கான சாலை பாதுகாப்பை உறுதிசெய்யும் விதிகள்
குழந்தைகள் சாலை பாதுகாப்பு விதிகளைத் தெரிந்துகொள்வது இன்றியமையாதது எனினும் அவர்களின் எல்லைக்குமேல் தகவல்களைத் திணிக்கக்கூடாது. குழந்தைகளுக்கான சில அடிப்படை சாலை பாதுகாப்பு விதிகளைக் காண்போம்.
- சாலை பாதுகாப்புக் குறிகளைத் தெரிந்துகொள்.
- நில்!கவனி! செல்!
- கவனி – கேள்!
- சாலையில் ஓடாதீர்!
- எப்போதும் சாலையோரத்தைப் பயன்படுத்துவீர்!
- வாகனத்தின் வெளியே கையை நீட்டாதீர்!
- வளைவில் சாலையைக் கடக்காதீர்!
- அவசரப் படாதீர்!