General Tamil Model Question Paper 11
21. பொருளறிந்து பொருத்துக:
பட்டியல் I – பட்டியல் II
(அ) பிடர்தலை ஏறியவர் – 1. துர்க்கை
(ஆ) எழுவருள் இளையவர் – 2. பத்ரகாளி
(இ) இறைவனை நடனமாடச் செய்தவர் – 3. பிடாரி
(ஈ) தாருகன் மார்பைப் பிளந்தவர் – 4. கொற்றவை
அ ஆ இ ஈ
(அ) 4 3 2 1
(ஆ) 3 4 1 2
(இ) 4 3 1 2
(ஈ) 2 1 4 3
விடை மற்றும் விளக்கம்
விளக்கம்:
(அ) 4 3 2 1
சிலப்பதிகாரம் (மதுரைக்காண்டம்-வழக்குரை காதை)
பிடர்த்தலைப் பீடம் ஏறிய மடக்கொடி
வெற்றிவேல் தடக்கைக் கொற்றவை அல்லள்
அறுவர்க் கிளைய நங்கை இறைவனை
ஆடல்கண் டருளிய அணங்கு சூருடைக்
கானகம் உகந்த காளி தாருகன்
வாயிற்காப்போன் கூற்று
இடம்: பாண்டிய மன்னன் அவை
பீறிட்டு எழும் குருதி ஒழுகும் பிடர்த்தலை பீடத்தில் ஏறிய இளங்கொடியாகிய கொற்றவையும் அல்லள்; கன்னியர் எழுவருள் இளையவளாகிய பிடாரியும் அல்லள்; இறைவனை நடனமாடச் செய்த பத்ரகாளியும் அல்லள்; தாருகன் என்ற அசுரனின் பரந்த மார்பைப் பிளந்த துர்க்கையும் அல்லள.
22. “மதியிலி அரசர் நின் மலரடி பணிகலர்
வானகம் ஆள்வாரே” – இப்பாடலுக்குரிய அரசன் ————-
(அ) இராஜராஜ சோழன்
(ஆ) நந்திவர்மன்
(இ) நரசிம்வர்மன்
(ஈ) சுந்தர பாண்டியன்
விடை மற்றும் விளக்கம்
விளக்கம்:
(ஆ) நந்திவர்மன்
நந்தி மன்னனின் வீரம் குறித்து நந்திக் கலம்பத்தில்,
“மதியிலி அரசர்நின் மரலடி பணிகிலர்
வானகம் ஆள்வாரே” – என்ற அடிகள் அமைந்துள்ளன.
பொருள்: அறிவில்லாதவரான அரசர், உன்னுடைய தாமரை மலர் போன் திருவடிகளை வணங்காதவராகித் தேவர் உலகத்தை ஆள்பவராவர்.
23. தாமரையிலைத் தண்ணீர் போல் – உவமை உணர்த்தும் பொருள்
(அ) மகிழ்ச்சி
(ஆ) நட்பு
(இ) பற்றின்மை
(ஈ) தவிப்பு
விடை மற்றும் விளக்கம்
விளக்கம்:
(இ) பற்றின்மை
தாமரையிலையில் தண்ணீர் ஒட்டாது. எனவே இவ்வுவமைக்கு “பற்றின்மை” என்பது சரியான பொருளாகும்.
24. எவ்வகை வாக்கியம் எனக் கண்டெழுதுதல்:
வேடன் சிங்கத்தை வீழ்த்தினான்
(அ) தனிவாக்கியம்
(ஆ) தொடர் வாக்கியம்
(இ) எதிர்மறை வாக்கியம்
(ஈ) கலவை வாக்கியம்
விடை மற்றும் விளக்கம்
விடை: (அ) தனிவாக்கியம்
25. விடைக்கேற்ற வினாவைத் தேர்க:
கபிலர் நட்புக்கு இலக்கணமாகத் திகழ்ந்தார்
(அ) இலக்கணமாகத் திகழ்ந்தார் யார்?
(ஆ) நட்புக்கு இலக்கணமாகத் திகழ்ந்தவர் யார்?
(இ) நட்புக்குச் சிறந்த புலவர் யார்?
(ஈ) நட்பு என்பது யாது?
விடை மற்றும் விளக்கம்
விடை: (ஆ) நட்புக்கு இலக்கணமாகத் திகழ்ந்தவர் யார்?
26. பின்வருவனவற்றுள் “தனிக்குறில் முன் ஒற்று உயிர்வரின் இரட்டும்” என்னும் விதியின்படி புணராதது
(அ) தன்னுயிர்
(ஆ) பெண்ணரசு
(இ) பைந்தமிழ்
(ஈ) என்னருமை
விடை மற்றும் விளக்கம்
விளக்கம்:
(இ) பைந்தமிழ்
பைந்தமிழ் – பண்புப்பெயர் புணர்ச்சியாகும்
27. சாதுவன் வாணிகம் செய்யும் பொருட்டுக் கடல் கடந்து சென்ற
குறிப்பு – இடம் பெற்ற நூல் எது?
(அ) சீவகசிந்தாமணி
(ஆ) சிலப்பதிகாரம்
(இ) குண்டலகேசி
(ஈ) மணிமேகலை
விடை மற்றும் விளக்கம்
விடை: (ஈ) மணிமேகலை
28.பொருத்துக:
இயற்பெயர் சிறப்புப் பெயர்
(அ) திரு.வி.கல்யாண சுந்தரம் – 1. தமிழ்த் தாத்தா
(ஆ) மறைமலையடிகள் – 2. தமிழ்த் தென்றல்
(இ) இரா.பி.சேதுப்பிள்ளை – 3. தனித்தமிழ் வித்தகர்
(ஈ) உ. வே.சாமிநாத ஐயர் – 4. சொல்லின் செல்வர்
அ ஆ இ ஈ
(அ) 4 3 1 2
(ஆ) 1 2 3 4
(இ) 2 4 3 1
(ஈ) 2 3 4 1
விடை மற்றும் விளக்கம்
விடை: (ஈ) 2 3 4 1
29. நெடுங்கடலும் தன் நீர்மை குன்றும் தடிந்தெழிலி
தான்நல்கா தாகி விடின் – என்னும் குறள் கூறும் கருத்தின் அடிப்படையில் பின்வருவனவற்றில் எதைக் குறிக்கும்?
(அ) மருத்துவ அறிவு
(ஆ) அணுவியல் அறிவு
(இ) மண்ணியல் அறிவு
(ஈ) நீரியல் அறிவு
விடை மற்றும் விளக்கம்
விளக்கம்:
(ஈ) நீரியல் அறிவு
நெடுங்கடலும் தன்நீர்மை குன்றும் தடிந்தொழிலி
தான் நல்கா தாகி விடின். – திருக்குறள்: 17
பொருள்: மேகம் கடலிலிருந்து நீரை முகந்து சென்று மீண்டும் அதனிடத்திலே பெய்யாதொழியுமானால், அப்பெரிய கடலும் தன் வளம் குன்றிப்போகும்.
நீரியல் அறிவு: நீர் மழையாக மண்ணிற்கு வருவதும் ஆவியாகி விண்ணிற்கு செல்வதுமான சுழற்சி கூறப்பட்டுள்ளது. மழையில்லையேல் புவியின் தட்பவெப்பநிலை மாறும்.
30. பொருந்தாததைச் சுட்டுக:
(அ) வாதம்
(ஆ) ஏமம்
(இ) பித்தம்
(ஈ) சிலேத்துமம்
விடை மற்றும் விளக்கம்
விளக்கம்:
(ஆ) ஏமம்
வாதம், பித்தம், சிலேத்துமம் – உடல் நோய்கள். ஏமம்-பாதுகாப்பு.